Goditje e re e Googlet ndaj Microsoftit

Të dy kompanitë e shpërmendura janë duke luftuar ashpër njëra ndaj tjetrës për dominim në treg. Microsofti me bollëkun e pajisjeve të tij komerciale, ndërsa Google me një varg pajisjesh alternative, më së shpeshti pa pagesë. Kësaj radhe gjiganti i internetit, Google, me shërbimin e tij të ri tenton t’i jap edhe një goditje të re Microsoftit.

Kah mesi i javës Google ka ofruar edhe një shërbim tjetër të radhës, Google Sites, një mekanizëm për ueb i cili shfrytëzuesve të vet u mundëson vendosjen dhe udhëheqjen e përbashkët të kompanisë së tyre. Google Sites është konkurrencë e SharePoint të cilën e posedon Microsofti.

Shërbimi i ri i Googlet u mundëson shfrytëzuesve mënyrë të thjeshtë të organizimit dhe të menaxhimit të informatave digjitale siç janë lidhjet e uebit, kalendarët, fotografitë, video incizimet, prezantimet dhe dokumente tjera të ndryshme nëpërmjet uebit.

Google Sites është pjesë e paketës së shërbime të Google Apps, kështu që shfrytëzuesit nga kompanitë e caktuara, të cilët marrin këtë shërbim, do të përdorin Gmail, Gtalk dhe shërbimet tjera të kompanisë Google.